عالماشي ؟؟
5olio
حاسس حالك قرفان ومش طايق ؟؟
عادي وأنا كمان
كنت دايما بس ازهق, أساوي اشياء كنت أسميها طقوس الزهق
شايفين الصورة ؟؟
هذا ايشي نفسي أعملوا من وأنا صغير..
مع اني بكره السرعة والمغامرات اللي مالهاش معنى
بس أكون واقف على مكان مرتفع بحس نفسي أنط وأشوف شو بيصير
مش عارف شو دخل هذا بموضوع الزهق
من وأنا صغير بكون دايما شاغل حالي بشغلات مالهاش دخل بشيء
كنت أحب افك كل شيء بشوفو قدامي…
ماتركت جهاز الا مافكيتو وركبتو…
وبس تخلص الاجهزة في بيتنا ..
عادي دار سيدي موجوده..
كنت أطلع على السطح ازبط الشبكة…بعدين الستلايت اول ماطلع..
يالله ……..ذكريات…
بعدين كنت شاغل حالي كتير بالاخبار والسياسة…مش عارف ليش..
يعني لو في خبر عالماشي عن زلمة قتل حدا بسريلانكا..لازم اتابعو واعرف ليش عمل هيك..
واذا جابو برنامج وثائقي عن قصة حياتو لازم احضرو
حتى لو كان لمدة ثلاث ساعات..
لا مش من الزهق…بالعكس بكون كتير مستمتع بالموضوع..!!
عادي…لله في خلقه شؤون
برضو كنت بحب احضر عالم الحيوان وخصوصا لما الاسد بيفترس الجاموسه…
أما الدراسة فكانت شاغلتني…او انو أنا شاغل حالي بالدراسة…مش عارف !!!
أحسن ايشي أروح أضرب نفس أرجيلة…مع اني تركتها…بس الزهق بعمل عمايلو…
المشكلة الان لو فتحت عالاخبار رح أقعد ساعة ورح ينسم بدني
واكيد رح احط اناديكم اشد على اياديكم..واكمن اغنية وطنية…ورح اسب على كل البشر واخبط راسي بالحيط…
بعديها رح اعمل كاسة نسكافيه وانسى الموضوع وانسى شو الخبر اللي شفتو …
على فكرة كتير انا شاطر بعمل القهوة..بكل أنواعها..
أبوي كان يضلو يحكيلي شكلك رح تطلع قهوجي…
شايفين التفاؤل تبع السيد الوالد !!!!!!!!
عمري مااتفقت معو على شي…
مهو شايف الدنيا بالطول وانا شايفها بالعرض…بس صرت احسو صار شوي يحترم وجهات نظري….بجوز من كثر مازنيت عراسو اقتنع…
وللعلم حكاية الزن على الراس بتجيب نتيجة …
ابصر..
مراسلكم: دي ون جي نص كم
Tags: ascii, bidi, cambria, div, font definitions, font format, lt, math, mso, panose, pitch, props, Sans-serif, signature, style definitions, style type, theme font, ديونجي
